Donnerstag, 28. August 2014

20. Juni 2009 05:07 Uhr

Mulle Mulle! Wo bisch?

Mei, war's dr Bäure koiz! Ihra jonga Katz isch seit a paar Täg ausblieba, drom hat se grad so ausgseah, "wia ihra Mulle am Bauch". So hat ma frieher gseit, wenn's oim recht dreckat ganga isch. Ibrall hat se romgsuchat, neanat hat se se gfonda.

i

D' Bäure hot d'Katz verlora,

woiß it, wo se ischt,

ANZEIGE

se suacht alle Winkala aus:

"Mulle, Mulle wo bischt?"

"Mulle, Mulle, Mulle!", "Komm, komm, komm!" so hat ma frieher nach dr Katz gschria. Omasoscht? Oft gnua! A Katz isch andersch als a jed's Getier om's Haus rom. Em Hond schreisch "Komm!", ond er isch dau. Er hat schließlich a "Herrle". Was hat aber a Katz?

A Katz' hat "Personal"! Zudeam hoißt heit a Kätze moischtens "Pussy" ond a dicker fetter Katzabaule moischtens "Garfield". Manche Kender kennat au nomma dean "Schwaubaprüfongssatz richtig übersetza: "Dr Baule foigat mit ma Bobbl Gara auf'm Semsa doba omanand!"

Auf des "Wus, wus, wus!" ond "Bi-bi-bib! kommat auf ma moderna Baurahof au koine Gäns ond Henna g'spronga, wenn ma so schreit. Bei viele moderne, spezialisierte Baura mit 100 ond meah Hektar, wo se omtreibat, siehsch au koi "Wuselwar", also an haufa Kender, omanandsprenga. Schad! "Bauer sucht Frau!" Ma müsst fast "..sucht Dame!" sa, weil Bäure kriagt er heit kaum meah oina!

Drzua no muass dr Schweinemastbaur d Mill, dr Milchbaur d Katoffla, ond dr Bullazüchter s'Schnitzl em Supermarkt eikaufa. Da Diesel für sein Bulldog kriagt er au jetzt an dr Tankstell!

Friaher, wenn an 'ma Baurahof "Meck, meck, meck!" oder "Mäh, mäh, mäh!" gschria hasch, isch allz drher komma. Schauf ond Goißböck! "Wud, wud wud!, Gus, gus, gus!, Gire,gire gire!" ond "Hutz, hutz, hutz!" für Säu ond Feadravieh isch heit nomma zom heara.

Interessant isch, dass ma dean Lockruaf emmer zwoi- oder dreifach g'macht hat! Des hat es im alta Rom au scho geah! En alte Text fendsch heit Viecherlockruaf, dia vielleicht de alte Rätier seinerzeit verwendat hand. "Litu, litu, litu!" ond "Tito, tito, tito!" für Enta ond Hennaviecher. Bloß dr oi Stotterer hat seine Schwierigkeita ghett, sein letzta Truthahn en Stall zom brenga. "Wenn du etz itt nei 'neigahsch, nau schla i di kaputt, put, put!" "Putenschnitzel" also "Rotzgockalersteak" ma er geara! Wer?

Dr Säckler Wendl.

i

Artikel kommentieren

Schlagworte

Rom

Ihr Wetter in Augsburg-Stadt
27.08.1428.08.14

                                            Wetter
                                            Regenschauer
                                            Wetter
                                            wolkig
Regenschauer
10 C | 19 C
Wind: N, 9 km/h
wolkig
14 C | 21 C
Wind: S, 9 km/h
Das Wetter aus Ihrer Region
Nachrichten in Ihrer Region
Augsburger Allgemeine Aichacher Nachrichten Augsburger Allgemeine Donau Zeitung Donauwörther Zeitung Friedberger Allgemeine Günzburger Zeitung Illertisser Zeitung Landsberger Tagblatt Mindelheimer Zeitung Mittewlschwäbische Nachrichten Neu-Ulmer Zeitung Neuburger Rundschau Rieser Nachrichten Schwabmünchner Allgemeine Wertinger Zeitung

Unternehmen aus der Region

Bauen + Wohnen

Jobs in Illertissen


Was wissen Sie über die Rente?

Partnersuche