29.05.2009

Des isch Krumbach..........

[B][I]Wia i jetzt dau so mit kriagt han, i bi ja nui dau hana, leasad dau au viele dia aus deam Krumbach em herrlicha Mittlschwauba naus zoga send en dia weit Welt. De oine hat vielleicht d'Liebe weg zoga, fer dia duat ma ja fascht alles, andre vielleicht d'Arbat, weil mer dau hana a wenga weanig hand, odr warum au soscht no. Ond fer dia, dia Krumbach net kennad, aber vielleicht a mal a wenga an scheana Urlaub macha wollad, deane zoig i mal des Krumbach von heit............[/I][/B] A Himml blau und dr’zua viele Schteara, a Mond au no der ganz schea ronter lacht. A laues Wendle ka ma au no heara, was alles no viel scheaner macht. Es pläschrad leis a ganz a kloines Bächle des langsam durch des Schtädtle fliaßt. Es glitzrad ebbes ra vom Kirchadächle, des recht weit ens Tal nei griaßt. Von dr Ferne no a leises Pfeifa, des kommt beschtemm vom letschta Zug. A paar Amsla send ganz näh zum greifa und send ganz tieaf im Flug. Vom a Weiher heart ma Fröschla quacka, a Schprauch, dia kennad mir net verschtau. Ja drüber fliagt a ganzer Schwarm von Schnacka, dia soll ma dau am beschta lau. Vom Kirchturm ra, dau hört ma’s schlaga, des isch scho bald a Rarität, ma braucht koi Uhr bei uns am Arm net traga, so wia ma’s grad wo anderscht dät. So ka ma schea durch d’Schatdt schpazieara ganga, mit so ma wunderscheana G’fühl, ma wird von der Romanik au glei g’fanga, ja dau verschprich i g’wieß net z’viel. Jetzt fraugad Ihr, wo ka ma des erleaba, en Krumbach doch, em Schwaubaland, wia herrlich isch es dau no all zum leaba, am scheana Kammelschtrand. Em scheana Tal so wunderbar geleaga, isch es net z’groaß und au net z’kloi, dr Herrgott hält dau drüber au sein Seaga, wia geara isch ma dau dahoi. ©by Luis Walter / 11.07.2007

Themen Folgen

Die Diskussion ist geschlossen.

Lesen Sie dazu auch
Obereggerweiher im Januar 137.jpg

Warum in die Ferne schweifen......

WhatsappPromo.jpg

Alle News per WhatsApp

Die wichtigsten Nachrichten aus Augsburg, Schwaben
und Bayern ganz unkompliziert auf Ihr Smartphone.

Hier kostenlos anmelden