1. Startseite
  2. Lokales (Günzburg)
  3. Des gibt‘s doch gar et! Schorsch und die Naherholung

Landkreis Günzburg

14.06.2018

Des gibt‘s doch gar et! Schorsch und die Naherholung

Der Schorsch hält sich gerne am Wasser auf, wo der Naherholungsfaktor sehr groß ist - normalerweise.
Bild: Bernhard Weizenegger 

Unser schwäbischer Kolumnist räsoniert diesmal über die Vorzüge der hiesigen Seenlandschaft. Und wie ihm ein Frosch den Spaß verdorben hat.   

Sommer im Schtädtle, heiße Sache! Auf d’r Suche nach ma kiala Bad bin i neilich nausgfahra nach Weisingen an da See. Ond zwar et weaga deane Ingen, nach deane der Ort ja benannt isch, sondern auschließlich weaga d’r Naherholung.

Ja, des isch a schbannendes Gebiet, dia Naherholung. Des ko ma sich so ähnlich vorschdella wia a Fernerholung, blos dass ma net so weit furt fahra muaß.

Bad Esee, Landkreis Balkonien – ihr wissat scho. Ond Baggra kosch et blos am Ballermann, des gat am Baggersee sogar no viel besser! Drum hoisst’s ja Baggersee. Ond noi, des kommt net vom Ausbaggra, on d’r Kies Richards hat au nix d’rmit zum doa. Ja Leit, was soll i saga – es war sche am See! Am Ofang war i no leicht vero’sichrat, weil weit ond broit koi Bademoischter in Sicht war, der auf mi aufbassa hät kenna. „Bitte nicht gega d´Fahrtrichtung schwimma“ ond so weiter, ihr wissat scho. Aber nau han i mir denkt: Alles Chlor, in meim Alter ko ma guat auf sich sell aufbassa. Ond ehe i mi verguckt han, war i scho eidöst. Der Naherholungszuschtand isch umgehend eingetreta, sozusaga. Aber z’maul…Malefiz, des gibt’s doch gar et! Naherholungsruheschtörung in Form von am 120 Dezibel lauta „Quak“ aus’m Maul von so am nixiga Frosch! I bin so verschrocka dass sich mei Haut – offensichtlich weaga deam Schock – von kreidebleich zu krebsfarbig errötet hat. Ond brennt hat des! Teilweise hat sich au scho a Kruschte bildet. Ond allt’s bloß weage deam nixiga Frosch! Noi, noi, a Sonnabrand war des koiner. Mit am baywatschenda Bademoischter wär des Mallör net bassiert, des sag i eich. Drom gang i jetzt bloß no ins Freibad. Ond morga zerscht mal zur Baywa – dia hand beschtimmt so a Froschschutzmittl dau…

Also nau – bis zum nägschda Mal!

Eier Schorsch

Themen Folgen

Sie haben nicht die Berechtigung zu kommentieren. Bitte beachten Sie, dass Sie als Einzelperson angemeldet sein müssen, um kommentieren zu können. Bei Fragen wenden Sie sich bitte an moderator@augsburger-allgemeine.de.

Bitte melden Sie sich an, um mit zu diskutieren.

Lesen Sie dazu auch
Copy%20of%208E1A4666a.tif
Rettenbach

Drei Projekte auf einen Streich

ad__querleser@940x235.jpg

Qualität auch für Querleser

Montag bis Samstag ab 4 Uhr morgens. Und die Multimedia-Ausgabe
"Kompakt" mit den wichtigsten Nachrichten von Morgen ist auch dabei.

Jetzt e‑Paper bestellen!