20.06.2009

Mulle Mulle! Wo bisch?

Mei, war's dr Bäure koiz! Ihra jonga Katz isch seit a paar Täg ausblieba, drom hat se grad so ausgseah, "wia ihra Mulle am Bauch". So hat ma frieher gseit, wenn's oim recht dreckat ganga isch. Ibrall hat se romgsuchat, neanat hat se se gfonda.

D' Bäure hot d'Katz verlora,

woiß it, wo se ischt,

se suacht alle Winkala aus:

Lesen Sie jetzt: Die heutige Ausgabe Ihrer Tageszeitung als E-Paper.

"Mulle, Mulle wo bischt?"

"Mulle, Mulle, Mulle!", "Komm, komm, komm!" so hat ma frieher nach dr Katz gschria. Omasoscht? Oft gnua! A Katz isch andersch als a jed's Getier om's Haus rom. Em Hond schreisch "Komm!", ond er isch dau. Er hat schließlich a "Herrle". Was hat aber a Katz?

A Katz' hat "Personal"! Zudeam hoißt heit a Kätze moischtens "Pussy" ond a dicker fetter Katzabaule moischtens "Garfield". Manche Kender kennat au nomma dean "Schwaubaprüfongssatz richtig übersetza: "Dr Baule foigat mit ma Bobbl Gara auf'm Semsa doba omanand!"

Auf des "Wus, wus, wus!" ond "Bi-bi-bib! kommat auf ma moderna Baurahof au koine Gäns ond Henna g'spronga, wenn ma so schreit. Bei viele moderne, spezialisierte Baura mit 100 ond meah Hektar, wo se omtreibat, siehsch au koi "Wuselwar", also an haufa Kender, omanandsprenga. Schad! "Bauer sucht Frau!" Ma müsst fast "..sucht Dame!" sa, weil Bäure kriagt er heit kaum meah oina!

Drzua no muass dr Schweinemastbaur d Mill, dr Milchbaur d Katoffla, ond dr Bullazüchter s'Schnitzl em Supermarkt eikaufa. Da Diesel für sein Bulldog kriagt er au jetzt an dr Tankstell!

Friaher, wenn an 'ma Baurahof "Meck, meck, meck!" oder "Mäh, mäh, mäh!" gschria hasch, isch allz drher komma. Schauf ond Goißböck! "Wud, wud wud!, Gus, gus, gus!, Gire,gire gire!" ond "Hutz, hutz, hutz!" für Säu ond Feadravieh isch heit nomma zom heara.

Interessant isch, dass ma dean Lockruaf emmer zwoi- oder dreifach g'macht hat! Des hat es im alta Rom au scho geah! En alte Text fendsch heit Viecherlockruaf, dia vielleicht de alte Rätier seinerzeit verwendat hand. "Litu, litu, litu!" ond "Tito, tito, tito!" für Enta ond Hennaviecher. Bloß dr oi Stotterer hat seine Schwierigkeita ghett, sein letzta Truthahn en Stall zom brenga. "Wenn du etz itt nei 'neigahsch, nau schla i di kaputt, put, put!" "Putenschnitzel" also "Rotzgockalersteak" ma er geara! Wer?

Dr Säckler Wendl.

Sie haben nicht die Berechtigung zu kommentieren. Bitte beachten Sie, dass Sie als Einzelperson angemeldet sein müssen, um kommentieren zu können. Bei Fragen wenden Sie sich bitte an digital@augsburger-allgemeine.de.

Bitte melden Sie sich an, um mit zu diskutieren.

Lesen Sie dazu auch
Bonus_neu.jpg

Max und Moritz treiben ihr Unwesen

ad__web+mobil@940x235.jpg

Webseite und App freischalten!

Zugang zu allen Inhalten, mtl. kündbar, 4 Jahre Abopreis-Garantie.
So attraktiv waren Heimatnachrichten noch nie!

Zum Web & Mobil Starterpaket