Newsticker

US-Forscher: Weltweit eine Million Corona-Tote seit Beginn der Pandemie

28.03.2009

En April schicka

Scho dr Geheimrat Goethe hat en seine Epigramm gschrieba, dass ma am 1. April a bissle aufpassa muass:

Willst du den März nicht ganz

verlieren, So laß nicht in April dich

führen. Den ersten April mußt

En April schicka

überstehn, Dann kann dir manches

Gute geschehn.

Hand Ihr au damauls da Aprilnarra spiela miassa? Hand ihr au bei dr Bäcke "Ibidom" oder a Gückle "Haumiblau" ei'kaufa solla?

Dia A'stifter hand scho d' Näsa an dr Feaschter- Scheib flach druckt, was se gau mit'm macht, deam "Bütschierta". I ka mi no erinnra, wia i für dean Pfennig a Guatsle kriagt hau. "Ibidom hau i grad itt dau!" Mir isch des aber glei sauer aufg'stoaßa, wia i mi voar deam furchtbara Gelächter von de Schualkender schnell uss am Weag g'macht hau. B'sonders en dr Schual hat sich des ganz schnell romgsprocha, wer a "schwaza Kreide" oder da "Quadratzirkl" hat holla miassa. Lehrbuaba hand "d' G'wichter für d' Wasserwaug" oder 's "klappbare Augamauß" holla miassa. A Schendarei war, dia G'wichter drzua aus Schrotteise em Rupfasack zom schloifa. So isch des au em "Steff'" ganga, der vom Werk I zom Werk II da "Drehmoment-Hammer" hätt transportiera solla. Zentnerschwer war dia Holzkist' mit deam Troam von Hamr auf'm Deckl. Am Griffende war a alta Schwoißarmatur neigschraubat. Dia sauber g'macht' Halterong hat des wia a Präzisions-Instrument ausg'seah lau. Alle hand's gwisst ond koiner hat eahm g'holfa. Lang hat ma da Steff mit deam trappat! A bissle hat des "en April schicka" mit deam Gang Christi "von Pontius zu Pilatus" en de frühere Passionsspiele zom doa . Mitte 18. Jahrhundert send viele v'rbota worra. …'s "Aprilschicka" isch en Bayern eascht om 1618 bekannt. Wahrscheinlich kommt's von de Franzosa! Dr 14-jährig König Karl IX. hat 1574 da Jauhresafang vom 1. April auf Nuijauhr verlegt. April, April!! Ons Bundesbürger hat ma oft gnua en sellan g'schickt: Wia viele Gesetz- ond Steueränderonga send am Geburtstag vom Christus-Verräter Judas, in Kraft treta?! Am 1. April war au dr Einzug vom Luzifer en d' Höll! Wia Goethe hätt ma oft a "Faust" macha könna. A Wonder isch aber des Jauhr gschea: Löah'- ond Renta werrat heaher! Versprocha em März. Handaufhalta? "Ibidom" kriag mr nau nach dr Wahl am 27. September serviert! Uira Wendl

Die Diskussion ist geschlossen.

Das könnte Sie auch interessieren